«Парасат» жайында пайымдау

Қазақ  жерінде  білімнің  алғаш  шамшырағы  жанған  жер-Торғай  даласы. Ұлы  ұстаз  Ыбырай  Алтынсарин  атын  иемденген  Арқалық  мемлекеттік  педагогикалық  институтының   студентімін. Студенттік  жылдарым  өте  қызық, көңілді  өтіп  жатыр. Тек  қана  сабақ  оқып  қоймай, өзімді  қызықтыратын  шаруалармен  де  шұғылданып  жүрмін.  «Жас  Орда»  студенттердің  өзін-өзі  басқару  ұйымының  президентімін, институтішілік  Міржақып  Дулатов  атындағы  әдеби-мәдени  бірлестіктің  төрағасымын.  Осы  бірлестік  ішінен  жас  тілшілер  үйірмесін  құрып, журналистика  саласына  ебі  бар  студенттер  арасында  жұмыс  жүргізіп  келемін. Ұстазым  Айбек  Киікбайұлының  қолдауымен  «Парасат» ток-шоу  бағдарламасын  ашып, жергілікті  «Арқа дидары» телеарнасын  көрсетіп, көпшілік  қауымның  назарына  ұсындық. Бағдарламаның  басты  мақсаты  кішкентай  шаһардың  тыныс-тіршілігімен, өзекті, көкейкесті  мәселелерін  көтеріп, осындай киын  мәселерді  шешудің  жолдарын  тауып, жергілікті  билік  пен  тұрғындар  арасындағы  қарым-қатынасты  нығайтып, сұңғыла  сұрақтардың мән-мағынасын  ашу  болмақ. Ең  ғанибеті  сол- бағдарламамызда  көтерілген  мәселелер  оңтайлы  шешімін  тауып, орындалып  жатса, тұрақты  өз  көрермені  болып, жанайқайымызды  естір  құлақ  болса  болғаны. Бұл  бағдарлама  шығармашылық  топтың  жемісі, мен  осы  бағдарламаның   сценарийін  жазып, дайындап  апарған  соң, бейнеге  түсу  мен  монтаждалып, безендірілуіне  тікелей  режиссер  Марияш  Шаханова, бейне  операторлары  Темірхан  Айғожин, Ербол  Әбдіғази, монтаждаушы  Рустам  Купабаев   секілді  аға-апаларымның  еңбегі  зор.  Алдағы  уақыттарда  да  шаһардың  көркеюі  мен  гүлденуіне, қала  жастары  мен  тұрғындарына  қатысты  өзекті  мәселерді  көтерілуге  арналған  бағдарламалар  ашу  ойымызда  бар. 

Жалпы, мен  оқитын  оқу  ордасында  өз  идеяң  мен   жоспарыңды, жаңаша  бастамаларыңды   жүзеге  асыруға  мүмкіншілік  мол. Осы  жағынан  алғанда,  менің оқу  ордам - менің  мақтанышым.  Басшылық  тарапынан  қолдаулар  болып  тұрса,  етек  түре, білек  сыбана  жұмысқа  кіріспеске  шара бар  ма?!  Мен  көгілдір  экран  арқылы  жұртшылыққа  танылып, «жұлдыз » болу  мақсатында  емес, өзімнің  қабілетім  мен  шығармашылығымды  шыңдау  үшін, шебер  маман  болып  қалыптасу  үшін, осындай  қиын  әрі  күрделі  салаға  түсуге  тәуекел деп, бел буып  кірістім.

Бағдарлама авторы Елдос  ТОҚТАРБАЙ

І бөлім

ІІ бөлім