Қала келбеті – оның әр тұрғынының қолында екені даусыз. Күні кеше қош айтысқан жаз мезгілінен қалған қоқыстарды тазарту, көзге оғаш көрініп тұрған қалың шөпті кесу, ағаш түптерін ақтау сияқты абаттандыру жұмыстары жүргізілді.

Ортақ іске қаламыздың мекеме-ұйымдарының көбісі жұмылды. Сейсенбі күні қала әкімдігінде өткен әкім аппаратының жиналысында қала әкімінің міндетін атқарушы Ерлан Теменов әр мекеме ұжымы белсенділік танытып, өз аулаларын абаттандырудан бастауға шақырды.

- Бүгінгі таңда тазарту жұмыстарына аса жауапкершілікпен қарап келе жатқан бірнеше ғана мекемені атай аламын.  Олар «Іскер», «АЖЭК», «Тазарту» мекемелері. Өзге де мекемелердің жұмыскерлері туған қаламызды ажарын келтіруге өз үлесін қосулары үшін белсенділік танытулары керек, - деп үндеу тастады.

«Жұмыла көтерген жүк жеңіл» демекші, ортақ іске білек сыбана кіріскен қала жанашырларының арқасында қала келбеті аз да болса көріктену үстінде.