Жуырда Қостанай облысы Ішкі саясат басқармасының тапсырысымен  «Іскер жастар кеңесі» қоғамдық бірлестігінің ұйымдастыруымен  «Облыстың оңтүстік өңіріндегі ауылдық Ресурстық орталығының қызметін ұйымдастыру» жобасы аясында қоғамдық тыңдау мен ««Үкіметтік емес ұйымдар жұмыстарын үйлестіру және стратегиялық жоспарлау»  атты семинар болып өтті.

Семинарға Облыстық ішкі саясат басқармасының ҮЕҰ мен өзара іс-қимыл жөніндегі бас маманы Жансая Қожахметова, Арқалық қаласы әкімдігі Ішкі саясат бөлімі басшысы Мәнсия Айтмағанбетова, «Нұр Отан» партиясы қалалық филиалы төрағасының бірінші орынбасары Нұрлан Хамзин, «Ауған ардагерлері» ҚБ, «Видергербург» ҚБ т.б ҮЕҰ жетекшілерімен БАҚ өкілдері, жастар ұйымдары атсалысты.

Қоғамдық тыңдау барысында сөз алған «Іскер жастар кеңесі» ҚБ төрағасы Амангелді Ахметжанов Қостанай облысы Ішкі саясат басқармасының тапсырысымен «Облыстың оңтүстік өңіріндегі ауылдық Ресурстық орталығының қызметін ұйымдастыру» жобасы іске асырылып жатқанын айтты. Сонымен қатар, жобаның мақсатымен оңтүстік өңір Жангелдин, Аманкелді аудандарын да қамтиды. Амангелді Ахметжанов жоба барысында жүзеге асатын мәселелермен таныстырып, «Әлеуметтік идеялар жәрмеңкесі» өтетінін және жақсы жобалар қаржыландылыатынын тілге тиек етті. Семинар барысында сөз алған облыстық ішкі саясат басқармасының ҮЕҰ мен өзара іс-қимыл жөніндегі бас маманы Жансая Абдрахманқызы қазіргі таңдағы ҮЕҰ қызметінің маңыздылығына тоқталып, әлеуметтік тапсырыстарға қалай қатысу керек екенін айтты. Сонымен қатар, Арқалық қаласы әкімдігі ішкі саясат бөлімінің басшысы Мәнсия Кәрімқызы өңірдегі ҮЕҰ жұмыстарына тоқталды. Амангелді Ахметжанов әлеуметтік жобалардың жазылу барысына тоқталды. Сонымен қатар, семинарға қатысушылар ҮЕҰ жұмыстары жайлы сұрақтар қойып, нақты жауаптар алды. Семинар соңында қатысушылар кофе-брейкке қатысып, естелік суретке түсті.

Дүйсенбі Қияшов,
«Іскер жастар кеңесі» қоғамдық
бірлестігінің мүшесі.