«Тәні саудың жаны сау »- дегендей, Торғай аграрлық–техникалық колледжінің  инженерлік-педагогикалық құрамы, оқушыларға білім мен тәрбие беріп қана қоймай, сонымен қатар спортпен шұғылданады. Бұның айғақ нәтижесі - ол жыл сайын колледжде өтіп тұратын дәстүрлі қысқы спартакиада ойындары.

 Биыл да осы дәстүр жалғасын тапты. Қаңтар айының 15-17 аралығында «Спорт- денсаулық кепілі» спартакиадасы өтті.

Колледждің инженерлік- педагогикалық құрамы әкімшілік, жалпы білім беретін пәндер оқытушылары, арнайы пәндер оқытушылары, жатақхана қызметкерлері болып төрт командаға бөлінді.

Аталған командалар тоғызқұмалақ, шахмат, теннис, көз мерген, шаңғы, волейбол түрлерінен өзара жарысқа түсті. Сайысқа әр команда өте жақсы дайындықпен келді. Бұл жерде ұстаздар спортқа деген қызығушылығын  көрсете білді.  Әділқазылар әділ бағасын беріп, нәтижесінде I-орынды жалпы білім беретін пәндер оқытушылары, II-орынды арнайы пәндер оқытушылары,  III-орынды әкімшілік және жатақхана қызметкерлері алды.

Ойын барысында әр командадан өзінің тапқырлығын, шапшандығын, батылдығын көрсете алған ойыншыларды да атап өткеніміз жөн. Олар: Гүлдана Сейтжанқызы (тоғызқұмалақ), Дәулет Жарболұлы, Гүлім Мәлікқызы (теннис), Гүлден Ақзабайқызы, Гүлмайра Қойбағарқызы, Абуғали Шарапұлы (көз мерген), Дана Тәттіғалиқызы, Айтжан Жалғасұлы (шаңғы), Серік Аренұлы (шахмат).

Бұндай іс-шаралар әлі де өзінің жалғасын табады деген сенімдеміз.

Гүлім Абишева,

қазақ тілі мен әдебиет  пәнінің оқытушысы.