Жаңа ХХІ ғасырда өзіміздің болашағымызды қандай күйде көргіміз келеді? Жас өспірімдерді салауаттылыққа, өмірді сүюге, қадірлеуге тәрбиелеу керек. Елбасымыздың Н.Ә. Назарбаевтың «Қазақстан -2030» бағдарламасында көрсетілгендей салауатты өмір сүру және оны насихаттау бүгінгі күннің өзекті мәселесі.

Салауатты өмір салтын қалыптастырудың маңыздылығын «Қазақстан - 2030» бағдарламасында Қазақстан халқына жолдауында Елбасымыз: «Егеменді еліміздің болашағы  қазіргі жастар десек, олардың денсаулығының мықты болып, шынығып өскені абзал» деген. Оның негізі осы кезден қаланатын болса, өмірге «өскелең ұрпақ келер еді» деп атап өтті.
Білім алушылардың денсаулығын сақтау мен нығайту бүгінгі колледжіміздің  басты мақсаттарының бірі болып отыр. «Арқалық қаласы әкімдігінің дене шынықтыру және спорт бөлімі» қалалық «Денсаулық фестивалі» аясында өткізілген «Толағай» көңілді мәре  отбасылық жарысқа Арқалық медицина колледжінен қатысқан Қонысбаевтар отбасы білім ошақтарының арасынан оза шауып ІІ орынға ие болды. Студенттер арасында «Жаңа толқын» спартакиадасына 22 Фкб тобының білім алушысы Мажман Ерболат жеңіл атлетика спортынан  3000 м  қашықтықты бағындырып ІІІ орынды иеленді.
 «Денсаулық фестивалі» аясын кеңейту мақсатында колледжімізде Апталық  жоспар жасалынып, жоспар бойынша іс-шаралар өткізілді. Іс-шара мақсаты оқушылардың өз денсаулығын сақтау және зиянды заттарды пайдаланудан қашық болу, денсаулықты сақтау және нығайту  болғандықтан колледжіміздің бүкіл оқушылары, ұстаздары, топ жетекшілер  қауымы қатысты.
Жоспарланған іс-шара барысында дене шынықтыру  пәнінің оқытушылары Сүлейменов А.М, Қонысбаев У.Б  білім алушылар арасында футболдан, тоғызқұмалақтан колледжішілік біріншілігі, 1-2 курс білім алушылар арасында жеңіл атлетикадан, шахмат ойынынан жарыс жоғары деңгейде ұйымдастырылды. Топтарда «Салауатты өмір салты – денсаулық кепілі» тақырыбында тәрбие сағаттар өткізілді.
«Саулық байлық негізі»-  деп айтқандай, әрбір адам салауатты өмір
салтымен өмір сүру үшін аурудың алдың алу және болдырмау,дұрыс тамақтану, дене шынықтырумен айналасуы керек. Денсаулық әлеуметтік байлықтың негізі, сондықтан оны сақтап, нығайтуға барлық жағдайлар жасалуы қажет. Демек, әр адамның өзінің де, өзгелердің де денсаулығы үшін қоғам алдында моральдық жағынан жауапты екендігі бізде жүргізілген тәрбие сағаттарында басты мақсатқа қойылды.
Денсаулықтың жоқтығы адамның ойлаған ойын жүзеге асыруға кедергі жасайды, әсіресі жастардың жалындаған күш-қайраты мен қиялына кедергі болады. Ең негізгі назар аударатын нәрсе өскелең ұрпақ болып табылады. Себебі, олардың өз денсаулығына деген көзқарастары келер ұрпақтың денсаулығының жағдайына әсер етеді.
Адамның денсаулығы - қоғам байлығы. Әрбір адам өз денсаулығының мықты болу жолдарын қарастыру керек. Дені сау адамның көңіл – күйі көтеріңкі болып, еңбекке әрқашан құлшына кіріседі. Халқымыз «Дені саудың – жаны сау» деп орынды айтқан. Отанымыздың келешегі, көркеюі, біздер мен  сіздердің қолдарыңызда. Сондықтан біздің таңдауымыз - салауатты өмір салтын сақтау.
Денсаулық – зор байлық.  Дені сау адамның көңілі шат, өмірі бақытты.

Самал Жиенбаева,
Арқалық медицина колледжінің әдіскері.