Дәстүрлі «Абай оқулары» байқауы биыл да өз жалғасын тапты. Қала және ауыл мектептері арасында ұйымдастырылған тағылымды шарада қала әкімінің орынбасары Е. Мәметеков құттықтау сөз сөйлеп, Родина орта мектебі ұлы ақынның өмір жолын айшықтаған сахналық қойылымдар көрсетті.

инациясы бойынша биыл жиырмаға жуық оқушы Абай атамыздың өлеңдерін  жатқа оқыды. Ал «Құлақтан кіріп бойды алар...» ән бөлімінде он үш әнші Абайдың белгілі әндерін шырқады. Соңғы бөлімде ақындар қазылар алқасына өз туындыларын ұсынды.

Қорытындысында «Асыл сөзді іздесең...» номинациясында А. Құнанбаев атындағы №6 мектептің 10 сынып оқушысы Мерей Сыздықбаева, «Құлақтан кіріп бойды алар...» бөлімінде №3 мектептің 9 сынып оқушысы Айымгүл Жұмақан, «Сәулең болса кеудеңде...» номинациясында Ы. Алтынсарин атындағы гимназияның 10 сынып оқушысы Елдос Мұқатай бас жүлдені жеңіп алды.

Жүлдегерлер мақтау қағаздарымен және  ақшалай сыйлықпен марапатталды. Аталған жеңімпаздар  облыстық байқауда өнер көрсететін болады.

Ұялы телефонға телмірген жастардың қатары көбейген уақытта Абайдың өлеңдерін жаттап, әнін шырқап, оған өлең арнаған  бұл жастар көңіл қуантады. Олай болса  дарынды жастарға облыстық байқауда сәттілік тілейміз!

АХ

Суретте: Абай оқулары байқауының жеңімпаздары.