Арқалық мемлекеттік педагогикалық институтының өнерлі жастары еліміздің айтулы күні – Тұңғыш Президент күніне орай төл туындыларын жұртшылық назарына ұсынуда.

Институттың аға оқытушысы, ҚР суретшілер одағының мүшесі Сапарбек ҰЗАҚҰЛЫ бұл көрменің түпкі мақсаты, бір жағынан, талантты суретшілердің туындыларын көпшілікке көрсету болса, екіншіден олардың қатарластарын шығармашылыққа үндеу, қызығушылығын арттыру екенін айтады.
Ел тарихындағы елеулі белес – Тәуелсіздіктің елең-алаң шағында Қазақстан Республикасының Тұңғыш Президенті сайланған күн әр қазақстандық үшін маңызы зор күн. Арқалық мемлекеттік педагогикалық институтының бірінші курс студенттері, бейнелеу және сызу мамандығында оқитын қыл қалам шеберлері Данияр АЛЬЖАПАР, Жамбыл АСҚАР, Амандық АБДРАЕВ өз туындыларын осы тарихи тақырыппен байланыстыра, сабақтастыра отырып жасаған екен.
Сапарбек ҰЗАҚҰЛЫНЫҢ айтуы бойынша, Тұңғыш Президент күніне орай өткізілгелі отырған бұл көрме студенттердің одан әрі талаптануына жігер бермек. Алдағы уақытта өнерлі жігіттерді қала, облыс, республика көлеміндегі додаларға қатыстыру ойда бар екенін айтты.