Тәуелсіздік күні қарсаңында қаламызда еліміздің басты құндылығын ұлықтауды, ұрпақ санасына жеткізуді мақсат еткен бірқатар іс-шаралар өткізілді. Сондай жиындардың бірі қалалық тілдерді оқыту орталығында болып өтті. «Тіл – Тәуелсіздік тірегі» атты дөңгелек үстелге қалалық жоғарғы және орта арнаулы оқу орындарынан студенттер қатысып, ана тілдің тағдыры жайында ой қозғады.

Тілдерді қолдану мен дамытудың 2011-2020 жылдарға арналған мемлекеттік бағдарламасын жүзеге асыру, мемлекеттік тілдің қолдану аясын кеңейтуді мақсат еткен шарада қалалық мәдениет және тілдерді дамыту бөлімінің бастығы Сандуғаш Алматова, тілдерді оқыту орталығының директоры Баян Қалмағанбетова және т.б. қатысты.

Жастар пікірталас барысында тәуелсіздік пен тілге қатысты өздерінің ой-пікірлерін ортаға салып, оның проблемалық тұстарын шама-шарқынша жеткізді.