Көптен күткен көктем келді. Ән көктемнің алғашқы күнін ән-жырмен қарсы алдық.
Қаламызда дүбірлі той болып өтті. Құран қари Файзолла Сатыбалдыұлының 130 жылдығы мен ақын Құтжан Қанжығалиннің 110 жылдық мерейтойына орай аймақтық «Жырларым ұяласын жүрегіңе...» атты наурыз айтысы мен «Дала дауысы» атты дәстүрлі ән орындаушылар байқауы ұйымдастырылып, небір хас жүйріктер өнерлерін көрсетіп, қаламызды бір сәт өнер ордасына айналдырып жібергендей болды.
Байқауға 14 айтыскер ақын, 7 термеші сынға түсті. Бақандай жеті сағатқа созылған байқаудың қорытындысы бойынша Файзолла Сатыбалдыұлы атындағы сыйлық Жанкелді ауданынан келген айтыскер ақын Байбатыр Ахметбековке, Құтжан Қанжығалин атындағы сыйлық рудныйлық Ғалымкерей Кенжеғожинге, Нұрхан Ахметбеков атындағы сыйлық астаналық Саят Әбеновке, Әлмұхамет Оспанов атындағы сыйлық жас ақын Батырлан Сағынтаевқа, Ахметхан Әбіқаев атындағы сыйлық рудныйлық Мамай Ізтілеуовке, Әбіқай Нұртазаұлы атындағы сыйлық астаналық Мақсат Нұрмұхамедовке, Назарбек Бектемісов атындағы сыйлық қостанайлық Салтанат Өтелбаеваға, Байдоқ Молдашұлы атындағы сыйлық қостанайлық Нұрболат Қадыровқа берілсе, жүлделі ІІІ –орынға жетіқаралық Марғұлан Оспанов, ІІ-орынға семейлік Айдана Сегізбаева, І-орынға астаналық жас ақын Сырым Әуесханға, бас жүлде Тоба Өтепбаевқа бұйырды. Бір қызығы, Тоба ағалық жолымен інісі, жас ақын Сырым Әуесханға өз сыйлығын беріп, мәрттік жасады. Сырым да табан астында сыйлықты алып тұрып: «Тоба ағамның ниеті де үстіндегі шапанындай ақ екен» деп өнершіл қауымды тәтті жырымен риза қылды. Жезтаңдай, күміс көмей термешілер байқауының нәтижесі бойынша ынталандыру сыйлығы Бану Мұқатқызына (Қостанай), арнайы номинациялар Рамазан Әмірбекұлы (Арқалық) мен Нұрсұлтан Есенқабылға (Арқалық), жүлделі ІІІ-орын Нұрдәулет Тойшинге, ІІ-орын Айбат Маратовқа, І-орын Нұрсұлтан Болатұлына, бас жүлде Абзал Алпысовқа бұйырды. Қос байқауға бас төрелік еткен Айбек Қалиев, әділ қазы құрамында болғандар жергілікті айтыскер ақын Бағила Балмашева, ҚР Мәдениет қайраткері, жыршы Бөлтірік Молдашұлы, Арқалық қаласының құрметті азаматы, өлкетанушы Шөптібай Бәйділдин, облыстық мәдениет басқармасының маманы Роза Төлешқызы.
Көктемді осылай ән-жырмен бастап жатсақ, қуанарлық жәйт. Алдағы шуақты күндеріміз тек қана той-думанмен көмкеріліп, жанасып келе бергей! Домбыраның үні жасасын, ұлы өнер жасасын!
Елдос ТОҚТАРБАЕВ
08.12 01:12 Просмотров: 84
08.08 05:08 Просмотров: 276
23.04 04:04 Просмотров: 420
07.03 03:03 Просмотров: 482
09.01 08:01 Просмотров: 493
08-12 12:12 Просмотров: 98
Кеңес кезінде Аманкелді ауданында екі бірдей шаруашылықты Торғай облысының үлгі-тірек шаруашылығы дәрежесіне көтерген (Қазақстанның 40 жылдығы атындағы және Коммунизм жолы) Республикалық,одақтық жарыс жеңімпазы атағын иеленткен, басқару стилі өзгеше, халықты еңбек...
24-10 12:10 Просмотров: 138
Елбасымыздың жыл сайынғы халыққа Жолдауындағы күн тәртібіндегі кезек күттірмейтін өзекті мәселелердің бірі әрі бірегейі - білімді ұрпақ тәрбиелеу болып отыр. Егемендік құқықтарымызды негізге ала отырып, «Қазақстанның келешегі – білімді ұрпағында»...
18-09 10:09 Просмотров: 189
...Өтпелі дүниеде адам баласына берілген санаулы ғұмыр бар. Ол біреуге аз, біреуге көп. Біреулер оның бір сәттік екенін біле тұра мансабына, байлығына, елдің уақытша біткен қошеметіне мақтанады. Ал менің кейіпкерім...
Комментарии