Иә, құдайым, қабыл ет,

Жарылқаудың қамын ет.

Топтан озсаң, тобыңнан айрылма,

Қанатыңнан қайырылма,

Бірге жүрген сыйласып,

Достарыңнан айныма.

 

Туыс – туған бір болсын,

Айналаңнан кетпесін.

Көңіліңе нұр толсын,

Алтын күн шуақ төккесін.

 

Пәле, жала қашықтап.

Жанұяңа жетпесін.

Бақытты да ғұмырлы боп,

балаларың өсіп - өніп көктесін

 

 

Көрші – көлемеге тату бол,

Білдірмесін өкпесін.

Айналаңа дұрыс қара,

Мәртебеңе жеткесін.

 

Бүгінгінің жастары,

Айтылмақ емес текке сын.

Мақсат қойсын алдына,

Өмірден босқа өтпесін.

 

Соңына ерген жас ұрпақ,

Білімге өрлеп беттесін.

Дәстүрден кетпей қашықтап,

Тәрбиесін ел сөкпесін.

 

Денсаулығың мықты боп,

Ауру – сырқау шектесін.

Қызметте де алда бол,

Айбырой – атақ кетпесін.

 

Жақсылықтармен жарылқап,

Үйіңе Қыдыр кеп кірсін.

Көңілің көкке шарықтап,

Бір Алла өзі жеткерсін!

 

Сейтқали Сабыржанұлы,

Ш.Уәлиханов атындағы № 1 орта мектебінің мұғалімі.