Еліміздің құқықтық діңгегі – Конституциямыздың 20 жылдық мерейтойына орай қаламыздың бірқатар азаматтары марапатқа ие болды.

Арқалықтықтарды елеулі мерекемен құттықтай отырып, қала әкімі Ғазиз БЕКМҰХАМЕДОВ Конституцияның ел экономикасында, қоғамдық өмірінде алар орны ерекше екеніне тоқталды. Зайырлы, демократиялық мемлекетіміздің жиырма жыл ішінде өркендеуінің кепілі болған Ата заң мерекесі барша қазақстандықтар үшін қуанышты мейрам екенін айта келе, елге еңбегі сіңген бірқатар азаматтар мен азаматшаларға мерейтойлық медальдар табыстады.

Атап айтар болсақ, аталмыш медальдарға «Аркалыкская СХОС» ЖШС директоры Степан ГАЧКАЙЛО, аймақтық аурухананың бас дәрігері Қуандық СМАҒҰЛОВ, «Бірлік К» ЖШС директоры Қазбек МҰҚАШЕВ, Торғай боксит кен басқармасының директоры Виктор РОДИН, «Алюминстрой» ЖШС директоры Абай МҰҚАНОВ, Арқалық қаласы бойынша мемлекеттік кірістер басқармасының басшысы Бауыржан ӘЛМАҒАМБЕТОВ, Торғай гуманитарлық колледжінің директоры С. Тасмағанбет, Арқалық қалалық сотының судьясы Бекзат КАРБЕНОВА, Арқалық қаласы бойынша қазынашылық басқармасының басшысы Толғанай САРМҰХАНБЕТ, Арқалық балалар мен жасөспірімдер мектебінің директоры Рүстем ШАЛАБАЕВ, білім беру бөлімінің әдістемелік кабинет жетекшісі Елена СЫСОЕВА ие болды.

Облыс әкімінің Құрмет грамотасы Н. Құлжанова атындағы ТГК мектеп бөлімшесінің меңгерушісі Галина ДЬЯЧКОВАҒА берілді. Қостанай облысы әкімдігі білім басқармасының Мақтау қағазы ТГК директорының шаруашылық жөніндегі орынбасары Дархан БАЙДЕНОВКЕ табысталды.

Сондай-ақ, Арқалық қаласы әкімінің Мақтау қағаздарына әкім орынбасары Есламбек МӘМЕТЕКОВ, қалалық сот судьясы Еркен МОЛДАХМЕТОВ, қалалық соттың бас маманы Данаш БОЛАТ, политехникалық колледждің өндірістік оқыту шебері Саяна ХАСЕНОВА, жүйке аурулары диспансерінің дәрігер-наркологы Жаннат МОЛДАШЕВА, Н. Құлжанова атындағы Торғай гуманитарлық колледжінің әлеуметтік педагогы Толқын ӘУБӘКІРОВА, аймақтық аурухананың дәрігер рентгенологы Жоламан ТӨЛЕБАЕВ пен Арқалық көпсалалы колледжінің оқытушысы Қорғанбек БІРМАҚАНОВ иеленді.
Қала басшысының атынан Алғыс хаттар алғандар да болды. Олар: жүйке аурулары диспансерінің фельдшері Гүлмира БАЙМБЕТОВА, Торғай аграрлық-техникалық колледжінің оқытушысы Талғат БАЙГЕРЕЕВ, Торғай аграрлық-техникалық колледждің бөлім меңгерушісі Жұлдыз ЖҰМАБАЕВА мен Арқалық көпсалалы колледжінің электригі Ермұрат ҚОДЫҚОВ.
«АХ»