-
Қазақ поэзиясының көрнекті өкілі, ұлы Абайдың шығармашылығын кеңінен насихаттауды мақсат еткен байқаудың өтіп жатқанына он-он бес жылдың жүзі болды. Арқалық аймағы да бұл ән мен жыр додасынан қалыс қалған емес. Әр жылдары «Абай оқуларының» жеңімпаздары атанып, қаламыздың, облысымыздың намысын қорғаған оқушылар аз болған жоқ. Биыл да олардың ізбасарлары бізді жеңістерімен қуантуда. Облыста өткен «Абай оқуларында» қаламыздың үш бірдей оқушысы 1 орынды жеңіп алып, республикалық оқуларға жолдама алды.
-
-
Арқалық қаласының тұрғыны Анар Жанбосынова жақында республикалық кәсіптік шеберлер байқауында 1 орынды жеңіп алды. Астана қаласында өткен шеберлердің бұл додасы – кәсіптік оқу орындарының арасында өтетін әлемге әйгілі World Skills байқауының іріктеу кезеңі. Яғни, республикалық байқаудың жеңімпазы Анар Жанбосынова Бразилия елінің Сан-Паулу қаласында өтетін халықаралық чемпионатта Қазақстанның намысын қорғайтын болады.
-
Алаштың ақиық ақыны Мұқағалиды мойындамайтын жан жоқ шығар, сірә?! Көркем сөзбен кесте тіккен Мақатаевтың шығармашылығы әрбір қазақ азаматы үшін әдеби қазына екені анық.
-
Қостанай қаласында балаларға қосымша білім беретін оқу әдістемелік орталығында оқушылардың – музыкалық эстетикалық тәрбиесін жетілдіру, орындаушылық шеберлігін арттыру және дарынды балалар ұжымдарын дамыту мақсатында 24-25 ақпан аралығында жас музыканттар – балалар музыка мектептерінің халық бөлімі мен өнер мектептерінің облыстық сайыс өткізілді. Оған ҚР мәдениет қайраткері Бораш Әбенов басқаратын қалалық музыка мектебінен жеті оқушы қатысып, жүлделі орындарға ие болды.
-
Халқымыздың біртуар азаматы, белгілі композитор Шәмші Қалдаяқовтың әндеріне арналған І республикалық «Менің Қазақстаным!» атты ән фестивалінде үш бірдей жерлесіміз жүлдемен оралды.
-
Халықаралық әйелдер мерекесіне орай дәстүрлі келіндер сыны - “Ең әдемі келіншек” байқауы облыстық Қазақ жасөспірімдер театрында болып өтті.
