Адамзат тарихында жеңістер көп. Бірақ солардың ішінде мән-маңызы жөнінен шоқтығы биік- Ұлы Отан соғысындағы Жеңіс. Биыл 2015 жылы осынау Ұлы Жеңіске 70 жыл толып отыр.
buy xanax no prescription
Демек біздің бейбіт аспан астында өмір сүріп жатқанымызға 70 жыл! Сондықтан жыл сайын біз 9 мамыр күні сұрапыл соғыстың куәгерлері – майдангерлер мен тыл еңбеккерлеріне құрмет-ілтипаттарымызды білдіріп, соғыс сабақтарын еске алып, соғыста қаза тапқандардың рухына бас иеміз. Астана қаласында 20 мен 24 сәуір күні аралығында еліміздің барлық өнірінің ардагерлері бас қосты.
Каки Ақан Шәріпұлы басқарған «Қазына» ардагерлер ансамблі Ұлы Жеңістің 70 жылдығына арналған «Қайран ерлер, қаһарман ардагерлер» атты республикалық ардагерлер көркемөнерпаздар шығармашылық байқауы фестивалінде ІІІ орынға ие болды. Аталған іс шараға Арқалық қаласының «Қазына» ардагерлер ансамблі Алматы облысы Жаркент ауданының ардагерлерімен бірге қосылып, Ахмет Жұбановтың «Би күйін» орындады. Қазақстан Республикасының мәдениет қайраткері Бораш Әбенов екі оркестірді аз уақытта дайындап, дирижерлық етті. «Қазына» ардагерлер ансамблі Торғай өңірі, Қостанай облысының намысын қорғап, көрермендер қошеметіне бөленіп келді. Арқалық қаласы жұртшылығы атынан ардегерлерімізге зор денсаулық, отбасыларына амандық тілей отырып, зор алғысымызды білдіреміз.
Ж.Рахметов,
Арқалық қалалық Мәдениет сарайының әдебиет бөлімінің меңгерушісі
