Арқалық қалалық балалар мен жасөспірімдер спорт мектебіндегі бокс секциясының бапкері Марат Сейтмағанбетов қуанышты хабармен бөлісті.

1998-1999 жылдары дүниеге келген қыздар арасында Денисовка ауданында Қостанай облысының чемпионаты өткізілді. Онла жерлес боксшымыз, ҚР чемпионы Ш. Уәлиханов атындағы №1 орта мектеп оқушысы Жанна СЕРИКОВА 57 келі салмақта қарсыластарынан оза шауып, қанғысына жүлделі бірінші орынды байлады.

Сонымен қатар, 2000-2001 және 2002-2003 жылдары туылған жасөспірімдер арасында алты спортшы жеңіс тұғырына биіктеді. Атап өту керек, алты былғары қолғап шеберінің бесеуі жүлделі І орынға ие болды. Жаттықтырушы М. Сейтмағанбетовтың айтуынша, бұл қаламыздың жас буын боксшылары үшін үлкен көрсеткіш.

Атап айтсақ, 48 келі салмақ дәрежесінде Жандос МҰХАМЕДУӘЛІ, 54 келі салмақта Евгений ЛЕВЧУК, 36 келі салмақта Ақжол ОРМАНБЕКОВ, 48 келі салмақта Ғалым ҚАДЫРОВ, 50 келі салмақ дәрежесінде Жансерік СЕРІКОВ қарсыластарының бәрін артта қалдырып, І орынға биіктеді, яғни Қостанай облысының чемпионы атанды. 50 келі салмақ дәрежесінде жерлес спортшыға жол беріп, ІІ орынға Азат ИМАНБЕРЛІ ие болды.

Палуандар шеберлігін паш етті

Арқалық қаласының балалар мен жасөспірімдер спорт мектебінің қазақ күресі бойынша жаттығып жүрген палуандар жақында облыстық чемпионаттан жүлдемен оралып қайтты. Лисаковск қаласында 2001-2002 жылы туылған кіші жасөспірімдер мен қыздар арасында бір топ спортшылар шеберліктерін тағы бір мәрте дәлелдеді.

Оқырмандардың есіне сала кетсек, бұған дейін қазақ күресінен жоғарғы жастағы палуандар жеңіспен оралған болатын. Ендігі кезек 1999-2001 ұлдар мен қыздар арасындағы облыс чемпионаты. Бұл спорттық дода Арқалық қаласында 26-28 ақпан күндері өтетін болады.

Спортшылардың жетістіктеріне тоқталар болсақ, Родина орта мектебінің оқушылары Елжан БЕКҚАЛИЕВ 38 келі салмақ дәрежесінде ІІІ орынды, Жәнібек ӘБДІБЕК 46 келі салмақта ІІІ орынды, Әділет ОРАЗБАЙ 46 келі салмақта ІІІ орынды, Тимур ӘБУТАЙ 55 келі салмақ дәрежесінде жүлделі І орынды жеңіп алды. А. Құнанбаев атындағы № 6 орта мектеп оқушылары Қайрат ӘКІМБЕК 50 келі салмақта ІІ орынға, Ерсін РАЙХАНҰЛЫ 66 келі салмақ дәрежесінде І орынға, Аружан ҚАЗЫМБЕК 57 келіде ІІ орынға иеленді. №4 орта мектеп оқушылары Бақытжан МАНАСБАЕВ 46 келі салмақта І орынға, Ислам АЛТЫНБЕК 60 келіде ІІ орынға, Қайрат ЕРМАХАН 60 келіде І орынға ие болды. Ал, гимназия оқушысы Мұхтар СЕРІК 73 келіден артық салмақ дәрежесінде ІІІ орынды жеңіп алды.

Арқалық БЖСМ бапкерлерінің мәлімдеуінше, ҚР чемпионаты 4-6 наурыз күндері Павлодар қаласында өтетін болады.

"АХ"