Биылғы мерекелерді ұлықтаған тағы бір спорттық шара ҚБО- ның ұйымдастыруымен «Шұбар доп» аталатын волейбол жарысы ретінде көрініс тапты. Бұл бәсекеге іріктеу ойындары қаламен бірге ауыл мектептерін де толық қамтыған болатын. Командалар үш топқа бөлініп, үздік шыққандар № 4 орта мектептің спорт залында, жарыстың ақтық ойынында бас қосты. Тартысты бәсеке қорытындысы бойынша қыздар арасында Ш.Уәлиханов атындағы №1 орта мектебі I орынды иеленсе, II орынға №4 орта мектебі, III орынға Б.Майлин атындағы №3 орта мектебі қол жеткізді.
Ұлдар арасындағы шешуші ойында № 5 орта мектебі III орынды қанағат тұтса, Ы.Алтынсарин атындағы гимназия спортшылары II орынды олжалады. Бас жүлде А. Құнанбаев атындағы №6 орта мектебінің қанжығасында . Жеңімпаз командалар медальдармен, кубоктармен марапатталды. Енді Ш.Уәлиханов атындағы №1 орта мектебінің қыздар командасы мен А. Құнанбаев атындағы №6 орта мектебінің ер волейболшылары 16 қараша күні Қостанай қаласында өтетін облыстық «Шұбар доп» жарысында қаламыздың намысын қорғайды. Спортшыларымызға сәттілік тілейміз!
Дархан Амантайұлы
2004-2008 ж.ж. туған жасөспірімдер арасында дзюдодан Қостанай облысының ашық біріншілігі өткен болатын. Облыстық жарысқа Астана мен Қарағандылық палуандар да қатысқандықтан оны Республикалық деңгейде өтті деп айтуға толық негіз бар. Осы дүбірлі додада қаламыздағы «Қайрат» спорт мектебінің шәкірттері де бақ сынап, он бірдей жүлдемен оралды. Атап өтсек, 28 келіде А. Алмасұлы қарсылас шыдатпай 1 орынды жеңіп алса, осы салмақта А.Асықпай тұғырдың екінші сатысынан табылды. 38 келінің күміс жүлдесі Е.Махмұтқа, 42 келінің 2- ші орыны И.Қуанышбековке бұйырды. 50 келіде Ә.Берік те қарсыластарының біреуіне ғана есе жіберді. Сондай ақ, 22 келіде Д.Әбдібеков, 31 келіде Н.Асанхан, 46 келі салмақта М.Мұхамеджанов пен Ш.Ағыбаев, 55 келіде Т.Сәбитбек турнирдің қола жүлдесін қанжығаға салды. Жас палуандардың жаттықтырушылары Д.Қарпықов пен М.Сыздықов.
Дархан Амантайұлы
«Қайрат» балалар мен жасөспірімдер спорт мектебінің бапкері Күнтуар ЖАНКИШЕВТІҢ мәлімдеуінше, жуырда ауыр атлетика үйірмесінің 12 тәрбиеленушісі жасөспірімдер мен ересектер арасындағы Қостанай облысының чемпионатына қатысып, барлығы да жүлделі үштіктен орын алып қайтты.
Пять дней в казахстанском городе Актобе проходил чемпионат мира по гиревому спорту, в котором приняли участие около 500 спортсменов из более 40 стран мира, представляющие пять континентов планеты.
В минувший уик-энд под сводами стадиона «Жигер» состоялся турнир по волейболу, посвященный памяти трагически погибшего молодого волейболиста Абдирова Арысланбека.
3 месяцев назад
8 месяцев назад
2 лет назад
2 лет назад
3 лет назад